Pogradec, plagoset me thikë mjeku Dimishi

Një ngjarje e rëndë ka ndodhur mbrëmjen e sotme në Pogradec, ku mjeku Pero Dimishi është plagosur me thikë në qendër të qytetit.

Lajmin e bëjnë të ditur burime policore lokale, sipas të cilave uniformat blu kanë ndërhyrë menjëherë, duke arritur të vënë në pranga autorët e sulmit.

Sipas burimeve, të arrestuarit janë dy vëllezër, përkatësisht shtetasit Johan dhe Kristi Kolvani.

Burimet shtojnë më tej se motivet e sulmit me armë të ftohtë janë ende të paqarta, por mbi ngjarjen po hetojnë agjentët e anti-krimit.